Amosando publicacións coa etiqueta Presentacións. Amosar todas as publicacións
Amosando publicacións coa etiqueta Presentacións. Amosar todas as publicacións
luns, 2 de febreiro de 2015
venres, 24 de outubro de 2014
luns, 17 de febreiro de 2014
A pintura na I Guerra Mundial
Un espléndido e extenso traballo de Miguel Martí sobre a pintura (e os pintores) da I Guerra Mundial. Unha forma distinta e moi suxestiva de achegarse á Grande Guerra.
domingo, 8 de decembro de 2013
martes, 12 de novembro de 2013
martes, 8 de outubro de 2013
Inauguración da exposición: Vivir da terra. A loita do campesiñado galego (1925-1982)
O 3 de outubro, a
asociación de historiadores á que pertenzo, Sine Nomine, inaugurou a exposición
Vivir da terra. A loita do campesiñado galego (1925-1975), na biblioteca Ánxel
Casal, onde permanecerá ata o 2 de novembro, xunto cunha mostra bibliográfica.
A mostra, realizada
con criterios didácticos, é o resultado da colaboración entre o proxecto de
investigación “Mobilización política e conflitividade social nun contexto de
grandes cambios: a Galicia rural durante o tardofranquismo e a transición (1960
– 1982)”, dirixido polo profesor Daniel Lanero Táboas, da USC e a Asociación
Sine Nomine, de Profesores/as de Ensino Secundario.
Despois duns paneis
xerais que percorren a situación do campo ao longo do século XX a exposición
céntrase na mobilización social e política que tivo lugar na Galicia rural nos
últimos anos do franquismo e na transición, procurando rachar coa imaxe de
inmobilismo e atraso coa que acostuma vincularse ao mundo agrario galego
A exposición é froito
da traballo colectivo do grupo de profesores que formamos Sine Nomine, seguindo
o mesmo modelo doutras realizadas anteriormente. Despois da selección e reparto
dos contidos buscamos imaxes representativas e facemos unha intensa labor de
síntese para rematar deseñando os paneis nos que o texto, breve, e as imaxes,
teñen un peso similar. A excelente maquetación é obra de Noemí Canal.
Procuramos unha información relevante e atractiva que atraia aos destinatarios,
o alumnado de ESO e Bacharelato.
Esta exposición, e as
anteriores (II República, Vida Cotiá no franquismo, Mulleres que emigran, Vida
cotiá na Transición), están a disposición dos centros educativos, culturais e
das asociacións veciñais na Fundación 10 de Marzo: http://www.f10m.org/exposicions.
martes, 6 de decembro de 2011
mércores, 2 de novembro de 2011
sábado, 29 de outubro de 2011
sábado, 15 de outubro de 2011
luns, 10 de outubro de 2011
luns, 3 de outubro de 2011
Fotografías de Lewis Hine
Lewis W. Hine (1874-1940) deixou o seu traballo de profesor para denunciar as desigualdades sociais por medio da fotografía. As súas imaxes son fermosas, pero sobre todo póñennos diante da dureza da vida para nenos, inmigrantes e traballadores nunha época de forte crecemento económico, pero non para todos. Pensaba que as súas fotos servirían para 'corrixir erros'.
Fíxose coñecido polas fotografías dos inmigrantes que chegaban á illa de Ellis, en Nova Iork. Recolleu a chegadas dos inmigrantes pero tamén as súas pésimas condicións de vida e de traballo.
En 1906 comezou a fotografar para o National Child Labor Committee (Comité Nacional do Traballo Infantil), captando imaxes de nenos e nenas traballadores nas fábricas, nas minas, nas rúas. Estas imaxes conseguiron que se endureceran as leis protectoras do traballo infantil.
Durante a Primeira Guerra Mundial traballou para a Cruz Vermella e plasmou as condicións de vida dos civís franceses e belgas. Viaxou tamén aos Balcáns onde realizou un traballo sobre nenos.
Nos anos 20 realizou unha serie de fotografías chamadas work portraits (retratos de traballos), nos que o home e a máquina se confunden nun fascinante ensamblaxe ao servizo da produción. Entre elas destacan as realizadas durante a construción do Empire State Building en 1930-31. A deshumanización do traballo, que tan ben reflectiu Chaplin en Tempos Modernos, queda aquí patente, aínda que Hine é quen de preservar sempre a dignidade das persoas ás que fotografía, sen un ápice de morbo.
Poderían facerse hoxe reportaxes similares?
Morreu na miseria
venres, 20 de maio de 2011
Unha exposición imprescindible
Puiden mirar, por fin, a exposición Unha mirada de antano: Fotografía de Ruth Matilda Anderson en Galicia, na Fundación CaixaGalicia de Santiago. Encantoume, pareceume marabillosa.
A fotógrafa estadounidense traballaba para a Hispanic Society of America, que pretendía crear unha colección sobre imaxes de España. Con esa finalidade viaxou desde Nova York a Vigo acompañada polo seu pai Alfred, en agosto de 1924. Volveu en máis ocasións, realizando ata seis viaxes por España, case catorce min imaxes con notas e comentarios. Delas, cinco mil duascentas tirounas en Galicia, primeiro entre 1924 e 1925, e despois, acompañada pola fotógrafa Frances Spalding, entre 1925 e 1926.
As fotografías de Ruth constitúen un documento excepcional, tanto polo seu valor etnográfico e histórico, como polo pracer estético que provocan. Reflicten unha época hoxe perdida, pero que en moitos aspectos se estendeu ata principios dos anos setenta na Galicia rural. Eu mesmo, sentín ecos de obxectos, paisaxes e ambientes da miña infancia visitando a exposición. Son imaxes perfectamente contextualizadas grazas as notas que as acompañan e dunha extraordinaria calidade, o que non pode facernos pasar por alto o esforzo e as dificultades que tivo que pasar para viaxar con todo o seu instrumental pola Galicia dos anos vinte. Que pensarían os paisanos destes estranxeiros que chegaban as súas esquecidas aldeas e os facían protagonistas do seu interese?
Todas as fotografías, comezando polas dos propios autores, son dunha enorme elocuencia que nos fai percorrer a sala devagar, demorándonos moito máis do previsto. A planificación e a exhaustiva composición non lles fai perder nin un ápice de vida. Información e emoción súmanse nunha unidade perfecta.
Canta pobreza! Esa foi a exclamación que lles escoitei, máis dunha vez, a unha parella de persoas maiores cos que compartín a viaxe ao pasado. Si, realmente a pobreza da Galicia da época esmágate (aínda que tamén había clases). Pobreza que se reflicte nos nenos e mulleres que, e isto aumenta o seu interese, teñen un papel protagonista nas fotografías. E case ninguén sorrí, a vida era demasiado dura. Esta é a Galicia da emigración, de curas e caciques, e para coñecela, esta exposición é moito máis cun libro aberto.
Que fixemos coas nosas vilas e aldeas? Esta é a pregunta que me veu á cabeza cando observei as imaxes das vilas e aldeas, cheas de harmonía arquitectónica, fundíndose casas e paisaxe, fermosas. Gran parte dese patrimonio tirámolo ao lixo nestes anos de estúpido ‘desarrollismo’, que mágoa!
En definitiva, unha exposición imprescindible para todos os que queren saber, para todos os que queren gozar. Aínda que deixo aquí algunhas fotografías hai que velas de preto, non deixedes de facelo.
mércores, 23 de febreiro de 2011
Un mundo desigual e violento
A principios de febreiro tres membros da Asociación Sinenomine (Mercedes, Lois e eu mesmo) fomos convidados polo CEFORE de Lalín a falar de Cine e Actualidade, dentro dun curso sobre Cine e Historia. Para introducir a nosa intervención escribimos un texto breve sobre a nosa visión do estado do mundo na actualidade (tédelo ao final da presentación) e a importancia de introducilo nas aulas de Secundaria e Bacharelato, cos filmes como ferramenta didáctica clave para a aprendizaxe deste mundo, que nós cualificamos como desigual e violento. Para ilustrar a introdución elaboramos unha presentación en viñetas e algunha outra imaxe, a maioría de Eneko, que consideramos moi suxestivas.
xoves, 10 de febreiro de 2011
luns, 20 de decembro de 2010
domingo, 12 de decembro de 2010
martes, 9 de novembro de 2010
luns, 1 de novembro de 2010
xoves, 28 de outubro de 2010
Subscribirse a:
Publicacións (Atom)