luns, 28 de decembro de 2009

Feliz ano para o galego

Xa tiña subida a postal cando o Goberno da Junta pariu por fin á aberración do novo decreto. Non quero repetir aquí os argumentos que levamos empregando durante este ano contra esa mostra de miseria moral e de paletismo. O decreto é unha manifestación de covardía e de necidade. Necidade pola ignorancia que amosan os responsables da súa redacción, ignorancia sobre a lingua e ignorancia sobre a educación, á que van someter a unha tensión absolutamente innecesaria. Covardía porque os responsables, co listo de Feijóo á cabeza, se agochan detrás do inglés e das disparatadas votacións dos pais, para non dicir o que realmente pretenden: reducir a presenza do galego no ensino.
A pesar deste decreto, que non sorprendeu a ninguén, penso que 2010 vai ser un bo ano para o galego, porque os que amamos a lingua e a terra estamos aquí, de pé, desexosos de mobilizarnos contra a necidade e a covardía. Porque somos e nos sentimos galegos, cos mesmos dereitos que calquera outra persoa do mundo.


3 comentarios:

Anxinho dixo...

Ogallá que sexa un feliz ano para o galego e, de paso, para vostede!
Unha aperta!

Ronsel dixo...

Feliz ano: trafegaremos o que cumpra para que sexa de verdade un bo ano para a nosa lingua

santi dixo...

Moi boas, mestre!!

había tempo que non te visitaba e xa vexo que te mudaches...

sexa onde sexa, hai que seguir, agora máis ca nunca...

pois nada, só saúdar, bo aninovo (como se adoita dicir) e ánimos, que veñen tempos duros!!

abonda así ou teño que traducilo aos outros dous terzos...?? jejej

un saúdo!!

Santi